مهما حاولوا يقتلونا
شارك المقال
مهما حاولوا يقتلونا
بقلمي الشاعر: محمد عبد العزيز رمضان
مهما حاولوا يقتلونا
يخرسوا الصوت والكلام
عمرنا ما نخاف ونسكت
هما أعداء السلام
مش هنرضي يوم نبطل
أو هنقبل الإنهزام
روحنا شايلينها بإيدينا
وفي صلاتنا والقيام
ندعي رب الكون يحرر
قدسنا م الإنقسام
مهما حاولوا يفرقونا
حلمهم صعب وبعيد
نختلف نزعل ونهجر
بس نرجع من جديد
أصل بنَّا حلم واحد
طفلنا يصبح سعيد
والعيون تملاها فرحه
أيوه عاد حق الشهيد
مهما حاولوا يفرقونا
حلمهم ملهوش وجود
أصل صعب إنك تغير
صبر فاق كل الحدود
والليالي علينا تشهد
في الميدان زى الأسود.
إرسال التعليق