تأثير الطلاق على الأطفال وشعورهم وقت الانفصال بقلم الأخصائية

تأثير الطلاق على الأطفال وشعورهم وقت الانفصال 

بقلم: الأخصائية إيمان مصطفي

الطلاق بالنسبة للأطفال بيكون صدمة كبيرة بتقلب حياته رأساً على عقب .

هناك عوامل بتأثر على درجة الصدمة دي ..
مثل :
– سن الطفل
– طريقة الإنفصال
-مستوى الدعم اللي بيحصل عليه من الأهل والأصدقاء

*شعور الأطفال عند انفصال الآباء؟*

– الاحساس بالخساره الطفل بيحس إنه خسر حياته كلها مش مجرد خسر البيت بل فقد حياه بأكملها

– الشعور بعدم الانسجام ؛ لما الأم بترجع بيه عند أهلها غالبا بيحس بعدم الإنسجام مع الأهل دول ،، بيحس إن الموضوع مفروض عليه ،، و ده غالباً برده بيتوقف على طريقة الأهل مع الطفل ده هل هم داعمين ولا مش مقدرين لحالة الطفل ونفسيته ..

– فقدان أحد الوالدين بيعمله حالة قلق إنه يفقد الاخر ..

– فقدانه للأمان وإحساسه إنه مشتت بين الأم والأب والاحتكار والنبذ ..
-الشعور بالحقد والغضب تجاه أحد الآباء الذي يعتقد أنه سبب الإنفصال ..

*نصيحه من الأخصائية إيمان مصطفي*

– الطفل مش مكان للصراع مهما كانت درجة الخلاف بينكم.

– الطفل وقت زيارته للأب بلاش تسأليه بابا قال إيه ؟ بابا عمل إيه ؟ والعكس صحيح للاب طبعا ..

– الطفل مش سلاح تهديد مطلقاً ..

– مفيش داعي خالص لسؤال زي ( بابا ولا ماما ) .. انتوا كده بتزودوا تشتته داخلياً ..

فترة الطلاق مهما كانت صعوبتها إبعدوا أولادكوا عنها تماما قدر المستطاع ..

انتوا جايز ماقدرتوش تكونوا زوجين ناجحين …
سواء قبلتوا او رفضتوا ف أنتما أب وأم ،، حاولوا أن تكونوا أب و أم ناجحين .

تأثير الطلاق على الأطفال وشعورهم وقت الانفصال